كتبت: يارا البسيونى
قالت والدة أحمد عبد الفتاح، ضحية دهس سيارة عصام صاصا: ابني طلع على لقمة عيشه الصبح، معاه 4 أولاد والمتهم خبطه بالعربية موّته، والناس بلغوني الصبح إن ابني مات في حادث على الطريق.
وأضافت: وقعت من طولي بعد ما قالولي ابنك في المشرحة، ومقدرتش ادخل اشوفه.
وتابعت والدة المجني عليه: معرفش هو كان ماشي إزاي؟ شارب ولا مسطول عشان يمشي يدوس ويموت الناس على الطريق، لازم يسوق بالراحة لأن أرواح الناس مش لعبة في إيديهم.
وأكملت: هو عشان مطرب يمشي يدوس ويموت في الناس ومحدش يسأله أنت بتعمل إيه، ابني كان طالع على أكل عيشه، مش عارفين أولاده هياكلوا منين بعد وفاته، ولازم ناخد حقه وإحنا مش هتنازل عن حقه.
