كتبت: يارا البسيونى
رد الفنان تامر حسني على الإنتقادات الموجهه له بسبب إعلانه الأخير، وكتب عبر حسابه الرسمي: “مساء الخير عليكم..بقالي يومين بتابع اللي بيحصل و احتراماً للجميع..انا بوضح حاجه بخصوص إعلان إحدى المنتجات”.
وأوضح: “أنا على قوة الشركة من سنتين قبل أي أحداث و ده مش أول إعلان ده ثالث إعلان في عقدي ، معلش احياناً الكلام عند بعض الناس بيبقى سهل وتحديداً لما بيكون بدون علم بالعقود و بحيثيات الموضوع كله، أنا مضيت على عقد مكتوب فيه إنها شركة مصرية و لها سجل تجاري ضريبي مصري منفصل و البند قدامكم اهوه لصدق كلامي”.
أكمل: “والأهم لأي حد بيشكك في انتمائي للقضية الفلسطينية هقوله أنا من 20 سنة وأنا في ضهر القضية و مش كلام وأغاني بس لاااااا ..أنا روحت بنفسي معبر رفح أثناء الضرب لمساندة أهالينا هناك بأكبر حملة معتقدش في حد هيخاطر بحياته و يروح بنفسه معبر رفح اثناء الضرب مجاملة مثلاً “.
إختتم المنشور: “أنا لما قررت أكون الوجه الإعلاني للشركة من سنتين لأنه منتج مصري كل المصريين بيحبوه و البطاطس من الفلاحة المصرية و بيتباع في مصر بس و اتربينا عليه و الاهم أن الشخص البسيط يقدر يشتريه في ظل ظروفنا الاقتصادية و اظن ده واضح في الاعلان .. ده كان شعوري الشخصي اتجاه الحملة وأنا بمضيها من سنتين عشان كده كان واجب عليا التوضيح للجميع و للي مش واصلاله الصورة بكل احترام .. و شكراً لكل اللي ردوا عني و هما مغمضين حقيقي انتوا نعمة كبيرة من ربنا ألف شكر و رمضان كريم على الجميع”.
